媽媽的意外驚喜

某天外出回家，媽媽拋來了兩張卡，讓我擇其一。

我沒多想就選了紅色這張，還以為是星巴克的月曆卡，誰不知是自己有眼不識泰山。這張星巴克卡裏面原來充值了五百大元，夠我喝好一陣子的tall cappuccino了。

有時候,母親的意外驚喜還真令人歡喜。

末日甜品－Häagen-Dazs雪糕宴

上星期三，有幸得到Häagen-Dazs（下簡稱HD）公關邀請，前往HD聖誕雪糕甜品發佈會試食一眾新款雪糕甜品。12．21末日之前可以圓滿我狂食雪糕嘅心願，在此我再次多謝HD。

試食之前主持介紹檯上幾款又睇得又食得嘅dessert，賣相好精緻。

外形上，我尤其中意聖誕樹呢款（歡欣聖誕樹，HKD$99），將72% 比利時黑朱古力整成兩片平面嘅通窿聖誕樹，中間夾住幾球迷你雪糕球（雪糕火鍋size），遠睇仲以為係扮野嘅裝飾，點知原來真係擺得落口！呢棵咁矜貴嘅聖誕樹底下，仲有塊鬆軟brownie，絕對係飽肚之作。唯一挑剔嘅就係食相好狼狽，首先要推倒棵聖誕樹，再掀起或者敲碎上面塊朱古力，嘿，都係嗌嚟為影相多。

味道方面，雪人呢款就得到同檯blogger 嘅一致好評。cream brulêe x 雪糕（浪漫雪人，hkd$99）呢個配搭好多人應該都會試過，試吃當下都懷疑過雪糕專家整嘅cream brulêe會唔會失威，結果我錯了。個cream brulêe好rich好幼滑同creamy，搭配脆薄嘅焦糖面，吃晒成個都唔會漏！(媲美paul lafayet!!) 

仲有一款係焦糖香蕉x雪糕（冬日傾情，hkd$99），呢款其實係打頭炮試食嘅dessert，不過因為後面仲遢左好多款，大家講返就覺得平平無奇。香蕉煎香，上面灑上砂糖燒至焦香，入口軟綿，暖暖地嘅香蕉加上雪糕，當然唔會出錯啦！但係上面果兩款dessert太搶眼啦，呢款相比之下好似有d失色。

試食左三款dessert (加埋都成八九球雪糕)，我地果檯四個blogger個肚都開始結冰。呢個時候，聖誕老人出黎同大家玩問答遊戲，答岩問題好似係有單球券贈送。大家梗係不亦樂乎啦！無幾耐，終於到戲肉……Häagen-Dazs雪糕火鍋（32球標準餐，堂食hkd$328）！

我屋企一直係HD捧場客，食左十幾年，真係從來未試過雪糕火鍋！因為屋企人覺得呢啲係玩綽頭多，但作為女仔喎，梗係受架啦！侍應端上火鍋嗰陣，哇聲四起，連男士們都忍唔住舉機。搪瓷爐入面有滿滿嘅72% 黑朱古力漿 (我估計應該溝左忌廉，同落左好多糖，所以濃度感覺低左)，上面仲浮住一塊白朱古力雪花，賣相唔錯。標準set有32球迷你可愛雪糕球（共六款雪糕味道：比利時朱古力，芒果熱情果、士多啤梨、綠茶、曲奇、云呢拿、仲夏野莓）仲有一盆新鮮士多啤梨同香蕉片附送（堂食至有）。

雪糕球沾上厚厚朱古力漿後，建議唔好即刻擺落口咁為食，等多十幾秒左右，外層嘅朱古力漿凝固，變成脆皮先擺入口，會好味好多！唔駛驚雪糕會溶，因為食之前經過特別雪硬，同埋個雪糕盆低有好多乾冰「震」住，食到一半都仲可以保持冰凍。

食到一半，雖然係好味好興奮，但係大家個甜胃已經九成full，最後望住雪糕球輕嘆，建議如果大家黎食雪糕火鍋前，晚餐份量至少減半甚至唔駛食都得！同埋個朱古力漿份量係好多好多！如果堂食食唔完，大家記得帶走呀！帶返屋企都夠焗個朱古力蛋糕！

去到試食嘅尾聲，大會仲有一個驚喜俾大家！各位blogger都有一球神秘新口味雪糕。睇落隻色白加黑似係曲奇味，但擺近個鼻就聞到好香薄荷味！原來係用新鮮薄荷葉打成嘅薄荷碎朱古力雪糕！吃嘅時候仲咬到少少薄荷葉碎（味道已經揮發晒，所以得個咬口），幾得意。打正旗號無色素添加，口味當然係一貫HD雪糕咁香濃幼滑啦！如果甜度再減多少少就更好啦！

吃完今次全雪糕宴之後，我諗我到12．21末日之前，都唔會再食雪糕！哈哈！不過黎緊xmas、元旦咁多假期，帶個雪糕火鍋去朋友屋企開party，一定好受歡迎！

BBQ 食物排行榜

小時候，每逢秋天父母會帶我和弟弟到赤柱露天燒烤場燒烤。
長大後，和男朋友兩個人便會選擇到毋須準備的自助燒烤場。

燒烤食物有別於平日在家用瓦斯爐烹調的食物，帶有陣陣炭烤的香味，大概就是吸引一眾大人小孩「密密燒」的原因。燒烤當然講究天氣，誰也不想在濕熱多雨的天氣下去戶外燒烤吧？秋冬清涼氣爽的氣候，最適合呼朋結伴圍着烤爐取暖。燒烤食物需時，正好可以和朋友暢聊，聊着聊着，一隻油香四溢的雞翅就差不多熟了，可以塗上一層光潤的蜜糖，然後在火上再轉個兩圈，一隻完美的「燒雞翼」就完成了。

每個人心目中都有最愛的燒烤食物，貪吃如我，當然也暗自成立了一個排行榜，在這個燒烤的季節裏，正好可以和大家分享。

第五名－美國廚師牌高級雞肉腸

是的，最普通不過的雞肉腸。不過，我指定是要「美國廚師牌高級雞肉腸」。
這可能是一份小學時期的回憶吧，那時候每到小息，總要到小食部來一根。

後來各式各樣的香腸出現，芝士腸、蜜糖腸、司華力……種類多不勝數之際，同時發現了香腸內有太多防腐劑，是無益的食物。不過，每到燒烤時我都總要吃上幾根廚師牌。那香味，那烤至金黃焦香帶點起泡的表皮，是所有燒烤食物中最快讓人聞其味、裹其腹的，哪有不愛的道理？

第四名－沙嗲魷魚

這個是新歡。不知道為什麼，我家的飯菜裏，從來都不會出現魷魚這道食材，偶而只會在湯裏看見魷魚乾，取其鮮味，但在湯裏煮過的魷魚乾扁難嚼，一般我都不會吃。後來，在一次自助燒烤中，經男友介紹，才發現原來魷魚還有這般爽脆嫩滑；經過沙嗲醃料浸沉，入味鮮美，吃多了也不覺得膩。燒魷魚最怕是不熟，放進嘴巴裏咬不斷的，就是不熟。

第三名－金沙骨

每次燒烤都必備的食物。金沙骨的肉不多，但是燒烤時所散發的肉香撲鼻，令人垂涎三尺。燒烤的功夫也很講究，開始需要貼火燒烤，用猛火把肉汁封住，然後把手伸高，用温火燒至熟。金沙骨肉味香濃，經蜜糖醃製過，肉質鬆軟，卻也保留了嚼勁，絕對美味。只是近幾年，已經很難找到好吃的。

第二名－雞翼

燒雞翼，是男友拿手絕活。從前我最討厭烤雞翅，因為小學時候曾經有過不快的回憶。那年畢業營，晚上有野外燒烤活動。全體同學在昏暗的地方燒烤，我拿起了一隻雞翅（全翼），燒了半小時，因為光線不足無法識別生熟，於是硬下頭皮放進嘴裏，頃刻就吐出來了。燒了接近半小時，竟然不熟……從此，雞翼不再出現在我的燒烤叉上。直到那個為我燒雞翼的男人出現了，他告訴我燒雞翼的祕訣（經過比較，同一款雞翼，他燒和我燒出來的味道竟然差天共地，虧我還以為是燒烤場的食物質素低！）：先把雞翼往火裏燒，目的是讓它上色，當雞翼表面呈蜜糖色後（沒熟），上第一層蜜糖；然後再放在火上燒，這次手要提高一點，不要讓雞翼直接碰到火。燒了大概八、九分熟後，再上一層蜜糖，然後再用溫火燒一燒，就大功告成了。

第一名－蜜糖方包夾棉花糖

我把它取名《烤蜜糖厚吐司夾炭燒棉花糖》，如果放在糖水鋪賣，我想應該會吸引不少女性市場吧！一道簡單、快捷的甜點，作為BBQ的尾聲，當時是最好不過！燒至微微發漲的棉花糖，外層淡淡的焦化；土司用溫火烤成金黃色，再醮上蜜糖，然後回火上烘乾。最後，把外脆內軟的棉花糖夾在蜜糖土司上。這是蛋糕、巧克力等甜點所不能帶給我的香甜滋味！愛好甜食的我，常常燒到半路，已經忍不住拿起方包和棉花糖，往往一次還可以吃三、四片呢！

23年來不懂洗面！hada crie cm-n8100bf Review

廿三年黎我用左唔少cleanser…細蚊仔果陣用clean n clear, 中一果陣雪山水大家應該都有試過，後來yumei、neutrogena，kose、之後延伸專櫃origins、shiseido、paul and joe、fresh、shu uemura、kp、cle de peau都用過，最後發現原來唔係我買ge野唔岩，而家毛孔入面真正污垢(尤其毛孔粗大者)，用foam洗真係洗唔到！

下面當然唔會有我真人示範圖片，俾我用完舊化妝棉大家睇下都可以見識到呢部機ge威力。呢篇試用文我會用白話，通常寫呢d 我都係揀白話，一黎打得快d，二黎唔好咁造作。

它是什麼？

hada crie cm-n8100bf係一部可以導出毛孔內污垢，同時導入保濕，plus放大護膚品功效ge美容機。

其實用離子原理導入導出ge美容儀好多年前已經開始普及，但係我呢個理科白痴對離子無甚概念，而且正極負極吸起污垢呢種咁抽象ge idea (因為你感覺唔到皮膚入面d 污濁野從毛孔內抽扯出黎)，我以往係帶有保留。

之前亦都有諗過要買Clarisonic Mia2（Joyce Beauty 有售），因為呢部洗面機真係物理性咁洗淨皮膚（用人話講：起碼你會感受到刷毛纖維鑽入面部皮膚），不過最後猶豫之際，俾我見到幾個blogger 寫有關hada ge review，再衡量一下，發現mia2性價比稍遜一疇。

Mia2 $14xx , 主要function係清潔。

Hada Crie $ 1990 (係..百老匯貴左百一)，四種function，清潔導出，保濕導入。

各位識睇餸食飯架啦。

為什麼要買？

買佢我當然唔淨止為左大家LIKE我 / 購物滿足感啦！

原因好簡單：因為我需要。

簡單講下自己皮膚狀況同日常化妝routine：

皮膚：外油內乾＋毛孔粗大＋暗粒頻生 化妝過程：周一至五 base 打底 ＋ 遮瑕 + loosen powder ＋ blush 洗面：卸妝油(如用粉底) / Cleansing milk (如只用base)－＞cleasing foam

護膚：toner + moisturizer

我要提一提「毛孔粗大」，咩叫毛孔粗大，次次講起身邊朋友就會話你根本唔係（但係佢地自己塊面好似porcelain咁光滑），肉眼睇得見ge毛孔咪就係「毛孔粗大」！

基本上我每個星期一定做兩次deep cleansing；每日都會洗兩次面，本來都以為自己洗得好乾淨，直到有一排開始發現搽完skincare 3分鐘但塊面仲keep住有種「漿」住ge感覺，之後下巴同臉頰開始摸到有凹凸感，但又唔係暗瘡…如果你有上述症狀，咁對唔住啦，你ge皮膚毛孔堵塞左，營養入唔到，污垢又出唔到黎。

如果咁不幸有以上情況，你有幾種方法可以補救：

>做運動（出汗可以暢通毛孔，係人都知，呢個係治本ge方法，不過要持之以恆先可以見到效果。）

>用導出導入儀（快見效！用完會即時感受到毛孔暢順晒，搽skincare會馬上吸收，唔會出現”漿”住ge情況，不                        過其實都擔心太過依賴儀器會衍生第二 d 皮膚問題，不過救得一樣得一樣先。）

效果如何？

終於可以俾大家睇下圖。

 

day 1

圖一係第一日使用時化妝棉污濁ge程度!!為左以示公正，我要承認今次使用前我只係用左cleansing oil洗面，之後懶用cleansing foam。

第一次梗係要試晒4個function。 上面係第一個step用完ge棉，下面係第三個step…(下圖同）點解仲可以咁污濁!!!!)

初次使用有d唔習慣，因為power on之後部機係keep住會有d震動，好古怪。step one都用左我唔少化妝水，不過吸左好多污垢，但我有一個問題，頭兩分鐘塊棉已經黃黃灰灰，之後果三分鐘仲係用同一舊棉繼續碌，感覺有d差……

anyway，見到塊面咁污糟，都唔知應唔應該開心。

Step 2 , 終於可以拎走塊核突棉，我拍左ｄ神仙水落塊面，之後開始做micro pat，又係咁碌左5 分鐘。

Step 3，加強滲透，隔住塊化妝棉再用神仙水碌(好彩支水係我媽ge…)，又係五分鐘。因為step 1 果陣太用力，去到step3 時塊面有少少紅，不過唔緊要，無刺痛，大家用果陣唔駛太大力。去到step 3我見blogger果d示範相，塊化妝棉已經乾淨左好多，但係我果塊仍然……（er…….）

最後試埋step four, 我配合dermalogica multi vitamin mask 黎做，搽左一大達橙色ge cream mask落面，之後又開始碌，feel到少少吉吉地，可能皮膚底層正在吸收水份/營養。因為個mask好creamy同埋會變色，所以碌完都係要過水。

過水果下隻手終於掂到塊面，終於感受到有幾滑！（我用嫩會好d!因為面到仲有d暗瘡疤唔算係好平滑，但係真係好似做完facial ge 感覺!）

都係唔好咁開心住，用多幾日先。

********************************************

 (抱歉！第二日張相唔見左....*好聽話咁用足function 1-3，化妝棉同day 1一樣污濁，正當我係到懷疑係咪部機有蠱惑，係人用都會導到污垢出黎…於是我搵左我媽試用一次，媽媽皮膚好我萬倍，中性皮膚，無黑頭但有上少間粒，佢用晒function 1 to 4, 塊化妝棉果然係淺色好多!! 好..我唯有怪佢無遺傳好膚質俾我..大個左仲要駛咁多錢.....) 

******************************************** 

day3

係第三日使用，繼續用頭三個step，塊化妝棉終於無咁污糟，證明我皮膚底層ge污垢開始清除，真係太感動！

********************************************

day4

第四日使用，仍然係頭三個step。

使用ge product 會係下面一次過post d 圖出黎，特別要提一提係如果使用維仔命C 原液ge話，因為液體擺耐會氧化帶黃，所以我第2個step用完之後，第三個step塊化妝棉會有少少黃黃地，係正常的。

********************************************

day5

第五日使用，頭三個step。今次去到step 3，塊棉終於可以保持雪白！！好有成功感！

總體黎講，坦白說，岩岩碌完幾個step之後，都叫對皮膚有少少刺激，所以會有少少紅，你話就咁做完機就可以唔化妝出街係呃人ge，不過做完機第2日，皮膚係會光滑水潤好多，連續用左五日，返office lunch hour之後ge面油感覺出少左，個妝stay得耐左。 

********************************************

以下係我用黎搭配使用ge product：

step 1 product using

sk2 CLEAR LOTION (STEP 1)； sk2 神仙水 (STEP 2 + 3) 用呢個組合成本太高了，所以我會之後果幾日都係用返Shiseido 果個組合。

step 2 product using

estee lauder night repair (STEP 2)；PIXEL VICTAMIN C WHITE BOOSTER (STEP 2)；HAKU WHITENING ESSENCE (STEP 3)；estee lauder eye repair (STEP 4) 我發覺用原液配合hada機係最perfect 最work！因為原液ge份子本來已經好細，再加埋部機轉化，幾難吸收ge皮膚都無問題！

step 3 product using

Shiseido Elixir Superieur lotion (right)(STEP 1+2) + emulsion (left) (STEP 3) 呢個組合係最經濟，不過呢兩支野係媽咪日本ge手信，我見靚靚有得賣。滲透效果不俗，不過用完塊面都幾漿，夜晚開冷氣用果陣就最好！

哪些人需要購買？

最後ge最後，用左幾日，總結左幾類需要Hada Crie ge朋友：

＊用開昂貴護膚品但係不見功效

＊面部周圍好多暗粒

＊毛孔非常粗大

＊經常化妝

＊對皮膚質素有要求

悅滿的韮菜餅

公司附近有一個隱世的小食店，
朝九晚六的食肆大家一定很少看到吧。
這家位於北角與天后交界的小食店正是如此。

這家小食店貌不驚人，店內只有兩張摺疊式的桌子。
平日的早晨，附近的上班族或車房的工人就會在店外搭起幾張椅子「嘆早餐」。
每天上班，我都會繞過這些早餐的香味，趕回公司。

某天早起，終於有買早餐的時間。
看着灰灰髒髒的店面，實在想不到有什麼會好吃。
終於，目光投放在店前油膩膩的玻璃裏那幾塊圓圓的韮菜餅。

那時，才發現，原來這不只是一家普通的茶餐廳，裏面竟然有鍋貼、水餃等小吃！
一塊掌手大的韮菜餅不過六元，二話不說就請老闆給我包起來。
回到公司，偷偷摸摸地打開，生怕附近的同事發現韮菜的味道。

一口咬下圓餅，不得了，韮菜肉餡比例佳，肉汁豐沛，外皮薄而扎實，是難得的韮菜餅。
韮菜餅雖然是粗食，但不少地道的上海飯店或烤鴨店都會納入菜單，
悅滿的韮菜餅，絕對比得上各大名氣菜館。

吃過香氣四溢的韮菜餅，記得嚼一顆口香糖，不然韮菜的香味，會纏留在口腔久久不散呢！


http://www.openrice.com/restaurant/sr2.htm?shopid=47029

PS. 某日和要好的同事提起，發現原來大家是同好！心中的美食得到同好，是最令人快樂的事。

建立與摧毀

歷史告訴我們，每個建立朝代的君皇，必先要學會摧毀前人所建立的所有。
我想說的是，人們在還在摸索、拿捏，試圖為自己建立些什麼的時候，已經掌握了摧毀的方法。

就好像在玩堆砌積木的遊戲，在你計算精確間距，量度仔細角度，一塊接一塊把積木排放整齊的同時，你分明知道，其實只要順勢輕輕一推，所有終將徹底倒下。

如同愛美麗還沒有跟小草海誓山盟，便已經想着分手後的生活。摧毀的力量是強大的，摧毀的念頭是刺激的。愛美麗嚮往自己主導人生，她喜歡當把積木推倒的人。

只是看着四野塵埃，愛美麗突然想到推倒積木，不會帶給積木煩惱，真正責任難逃的，永遠是那隻推手。

無麵粉朱古力蛋糕 Classic Chocolate Cake

無麵粉朱古力蛋糕　Classic Chocolate Cake

工具：電動打蛋器、焗爐、錫紙盤（方/圓都OK，蛋糕模都ＯＫ但要包一層鍚紙）、打蛋器、量杯

材料：牛油　                                 100g (切粒)
             朱古力                                 120g (我用milk choco + 55% choco )

             sugar                                     80g (分2份 40g)

             蛋白                                      3隻

             蛋黃                                      3隻
             無糖可可粉                         50g

             咖啡粉                                  1 tea spoon (用黎提味，不過我上次唔記得左）

步驟：(其實好簡單!放心!)

1 鍚紙盤內圍搽一層薄薄的油( oliver oil/ butter etc)

2 朱古力同牛油放入一個不鏽鋼兜入面，細煲加水，沸騰之後熄火，將不鏽鋼兜放係煲口位（切記：不鏽鋼兜唔可以掂到水）

   由d 朱古力靜止2分鐘，之後用spoon 混合朱古力同牛油，放涼

3 蛋黃加40g 糖用打蛋器手打，打到變成淡黃色兼有少少企身 (滴落ge mixture 可以畫到個8字 stay 幾秒)

4 無糖可可粉同咖啡粉分兩次加入朱古力溶液，用餘溫混合至順滑狀

5 蛋白用電動打蛋器打到起晒泡（高成倍)分三次落剩下ge糖，用低速打，打至企身，蛋白尖呈彎勾（倒轉個盤唔會跌d蛋白落黎)
6 擺左陣ge 蛋黃mixture會變到有少少液態，所以用返手動果隻打蛋器打多兩下，之後將chocolate mixture 分幾次加入，mix it well

7 蛋白分三次拌入 蛋黃chocolate mixture（係拌入！可以用手動果支打蛋器拌 或者用刮刀)

8 在鍚紙盤內倒入蛋糕糊，提起手與錫紙盤距離20cm一氣過倒落去。

9 160度焗40分鐘 (如果焗爐爐溫平時係偏細，就用170度)

10 焗完之後，用牙簽吉入去個cake，抽出見到無黏液就ok!
11 呢個蛋糕唔需要倒扣，焗完打個少少個爐，等佢攤凍

tips

1 melt chocolate同打蛋白果個盆，用之前一定要洗，唔理肉眼見到有幾咁乾淨都好（我中過幾次招）, make sure it is dry enough

2 拌入蛋白果個步驟要快，但係寧願拌多一陣，一定要拌勻，蛋黃朱古力mixture果陣會好杰身,所以加第一次蛋白果陣有d麻煩，
   但第一次加入果陣一定要mix well, 之後第2、3次加蛋白個蛋糕糊會開始輕身
3 因為無麵粉，只係用蛋白焗起個蛋糕，所以個cake焗到一半果陣會升好高，拎出黎冷卻會慢慢下沉，係正常架！

4 想個樣靚仔d，可以灑d icing sugar係面

serve

1 暖食會好似梳乎尼咁輕軟

2 雪凍食就係上次果個口感3 建議雪凍，之後拎出黎回溫，咁就入口即溶